Cydraddoldeb ac Amrywiaeth
Cyflwynwyd Deddf Cydraddoldeb 2010 ym mis Hydref 2010 i symleiddio a chymryd lle mwy na 100 o ddeddfau a rheoliadau gwrth-wahaniaethu blaenorol. Ar 5 Ebrill 2011, daeth dyletswydd cydraddoldeb y sector cyhoeddus i rym yng Nghymru, Lloegr a’r Alban. Disodlodd y ddyletswydd yr holl ddyletswyddau cydraddoldeb blaenorol ym meysydd hil, anabledd a rhyw.
Mae’n ofynnol o dan y gyfraith i’r Comisiwn fodloni’r ddyletswydd cydraddoldeb gyffredinol fel cyflogwr ac fel corff sy’n cyflawni swyddogaethau cyhoeddus. Nid enwir y Comisiwn yn Atodlen 1 nac Atodlen 2 o Reoliadau Deddf Cydraddoldeb 2010 (Dyletswyddau Penodol) 2011, ac felly mae wedi’i eithrio o’r dyletswyddau penodol.
Mae hybu cydraddoldeb ac amrywiaeth yn berthnasol i bawb, ac mae holl aelodau cymuned y Comisiwn yn gyfrifol amdano. Mae cyfrifoldeb ar holl aelodau’r gymuned i sicrhau bod y Comisiwn yn parhau’n amgylchedd cynhwysol, croesawgar, diogel a chynhyrchiol. Mae’r Polisi Cydraddoldeb ac Amrywiaeth yn amlinellu ymrwymiadau’r Comisiwn, a sut yr ydym yn bwriadu eu cyflawni.
Yn ystod 2019-20 cyflawnodd y Comisiwn y canlynol:
- Sicrhaodd fod yr arddangosfa ‘Ein Gorffennol Digidol’ yng Nghanolfan y Celfyddydau Aberystwyth (24 Ionawr – 23 Mawrth 2020) yn hygyrch i bobl â nam ar eu golwg drwy ei sain-ddisgrifio gan ddefnyddio’r app ffôn clyfar Vizgu.
- Sicrhaodd fod nifer o leoedd neu wrthrychau yn hygyrch a fyddai wedi bod yn anhygyrch fel arall (er enghraifft, llongddrylliadau, a chaerau pentir sydd dan fygythiad erydiad arfordirol) drwy ddatblygu modelau 3D (ar-lein ac mewn print) ar gyfer ei brosiectau CHERISH a Llongau-U.
- Gwnaeth ei wefan gorfforaethol yn fwy hygyrch drwy wella’r dewislenni.
- Llofnododd ‘Siarter i Gyflogwyr sy’n Gadarnhaol am Iechyd Meddwl’ y rhaglen Cyflogwr Ystyriol.
- Gwelodd ddau aelod staff yn cwblhau’n llwyddiannus hyfforddiant deuddydd ar Gymorth Cyntaf Iechyd Meddwl.
- Gwelodd chwe aelod staff yn cwblhau’n llwyddiannus gwrs 20 wythnos ar Iaith Arwyddion Prydain.
- Gwnaeth ei broses cyfweliad swydd yn fwy hygyrch.
- Datblygodd ymhellach ‘Archif Cof’ Casgliad y Werin Cymru, gan gynnwys – ar y cyd ag Atgofion Melys – cyflwyno fideos 360-gradd.
- Ymgorfforodd gydraddoldeb ac amrywiaeth ym mhob agwedd ar gynhadledd Gorffennol Digidol 2020, gan gynnwys sgwrs gan Sheena Payne-Lunn ar ‘Worcester Life Stories’ a gweithdy ar Archif Cof Casgliad y Werin Cymru.
- Hybodd gydraddoldeb ac amrywiaeth mewn cyfres o flogiau:
- Hybodd gydraddoldeb ac amrywiaeth mewn cyflwyniadau:
- Reina van der Wiel a Susan Fielding, ‘Curating the historic environment: promises, challenges and sustainability of digital technologies’, yn Discovering Collections Discovering Communities (DCDC),Birmingham (Tachwedd 2019).
- Hybodd gydraddoldeb ac amrywiaeth yn fewnol drwy gyfres o bostiadau ar gyfryngau cymdeithasol:
- Hybodd gydraddoldeb ac amrywiaeth yn fewnol mewn cyfres o e-byst i staff:
- Wythnos Genedlaethol Bywyd a Gwaith
- Diwrnod Iechyd Meddwl y Byd
Os hoffech gael y wybodaeth hon mewn fformat arall, Cysylltwch â Ni
