The Story of Wales: Wales and Britain
Awyrlun yn dangos y difrod yng nghanol Abertawe adeg y rhyfel. AFR10857 NPRN 33145
Bydd y chweched raglen yng nghyfres BBC Cymru, “The Story of Wales”, a’r olaf, yn cael ei dangos heno ar BBC2 am 7pm. Gan ddilyn y digwyddiadau a newidiadau yng Nghymru o’r Ail Ryfel Byd hyd heddiw, mae’n cwmpasu llu o bynciau megis bomio Abertawe yn yr Ail Ryfel Byd, dechrau’r Gwasanaeth Iechyd Gwladol o dan Aneurin Bevan, diwydiannau dur Port Talbot, Glynebwy a Shotton, ymgyrch yr Iaith, a’r camau tuag at lywodraeth annibynnol i Gymru. Mae’r gyfres boblogaidd a gwerthfawr hon wedi cynyddu ein dealltwriaeth o hanes Cymru ac wedi ysgogi dadl ar ystyr Cymreictod yn yr unfed ganrif ar hugain. Gellir gweld y rhaglenni ar BBC iPlayer yn ystod y dyddiau nesaf ac mae DVD bellach ar gael drwy’r Brifysgol Agored.
Cysylltau i’r safleoedd sy’n cael sylw yn y 6 raglen:
- Abertawe (gan gynnwys ffotograffau’n dangos effeithiau’r bomio yn yr Ail Ryfel Byd)
- Llyn Celyn, Tryweryn
- Gwaith Dur Shotton
- Gwaith Dur Glynebwy
- Gwaith Dur Port Talbot
- Y Mosg cyntaf i gael ei adeiladu’n bwrpasol yng Nghymru
- Hen adeilad y Swyddfa Gymreig
- Y Senedd, Bae Caerdydd
- Canolfan y Mileniwm
‘Cymru wedi’r Ail Ryfel Byd’ gan Richard Suggett ac ‘Ymlaen i’r Dyfodol’ gan Peter Wakelin yw’r penodau olaf yn Trysorau Cudd: Hidden Histories, cyhoeddiad canmlwyddiant y Comisiwn Brenhinol sy’n ymdrin â phob cyfnod yn hanes Cymru ac sy’n gydymaith perffaith i bawb sydd â diddordeb yn hanes a threftadaeth ein gwlad. Gellir cael gwybodaeth awdurdodol am bob agwedd ar amgylchedd hanesyddol Cymru yn ein cyhoeddiadau niferus sydd, bob un, yn cynnwys llu o luniau trawiadol o adnoddau gweledol gwych Cofnod Henebion Cenedlaethol Cymru. Cynigir yr holl lyfrau am bris rhesymol ac mae gostyngiad arbennig o 10% ar gael i Gyfeillion. I gael mwy o wybodaeth, ewch i wefan y Comisiwn Brenhinol neu ffoniwch 01970 621200.
10/11/2012