Treftadaeth Rithwir Cymru – Tref Rufeinig Caerwent
A hoffech chi ymweld â Chaerwent Rufeinig fel yr oedd yn y ganrif gyntaf OC? Gan ddefnyddio pensetiau Realiti Rhithwir ymgollol, mae Jane Ellis o First Campus a Craig Oates o Digichemistry Studios yn dod ag adeiladau a storïau’r dref bwysig hon yn fyw unwaith eto.
Gyda chymorth grant o £39,000 gan Gronfa Dreftadaeth y Loteri, mae prosiect Treftadaeth Rithwir Cymru wedi dwyn ynghyd fyfyrwyr Effeithiau Gweledol o Brifysgol De Cymru a phobl ifanc 10-17 mlwydd oed o ardaloedd Cymunedau’n Gyntaf ar draws de-ddwyrain Cymru i ddylunio a chreu platfform rhithwir sy’n galluogi defnyddwyr i ddysgu’n rhyngweithiol am hanes a threftadaeth Caerwent Rufeinig. Gan ddefnyddio modelu 3D, sgriniau gwyrdd, technegau gwneud ffilmiau a sgiliau ymchwil, mae’r rheiny a gymerodd ran wedi creu teithiau realiti estynedig drwy’r farchnad, y basilica a’r tŷ Rhufeinig.
Yng nghynhadledd Gorffennol Digidol 2017, bydd Jane a Craig yn trafod sut y cafodd y bobl ifanc eu cynnwys mewn amrywiaeth o weithgareddau ymchwil a digidol gan gynyddu eu brwdfrydedd a gwella eu sgiliau, a rhoddir sylw arbennig i’r ffilm ddogfen a wnaethant gan ymhelaethu ar y prosesau.
Archebwch eich tocyn Gorffennol Digidol yn awr
Cynhadledd Gorffennol Digidol | Lleoliad | Cofrestru | Sylwadau | Blogs | Arddangosfeydd | Ein Noddwyr
02/08/2017